Միքայելյան համալսարանական հիվանդանոցում գործում է ստամոքսաղիքային էնդոսկոպիայի բաժանմունքը: Բաժանմունքն իր կառուցվածքով և մեծությամբ եզակի է, առկա են 3 միջամտության սենյակներ, լվացման, մանրէազերծման սենյակներ, հետմիջամտական-արթնացման սենյակ: Բաժանմունքում բոլոր միջամտությունները կատարվում են անզգայացումով, ինչը ապահովում է ինչպես պացիենտի հարմարավետությունը, այնպես էլ հետազոտության բարձր որակը:

Բացի ստանդարտ ախտորոշիչ գաստրոսկոպիա և կոլոնոսկոպիա  միջամտություններից կատարվում են.

• Պոլիպների հեռացում ռեզեկցիայի մեթոդով ՝ պոլիպէկտոմիա
• Արյունահոսության դադարեցում
• Կերակրափողի վարիկոզ լայնացած երակների լիգավորում
• Ստամոքսի վարիկոզ լայնացած երակների սոսնձային օբլիտերացիա
• Լեղածորանի  քարերի էնդոսկոպիկ հեռացում
• Լեղածորանի, կերակրափողի ստամոքսի, հաստ աղու ստենտավորում  ուռուցքների, նեղացումների ժամանակ

Եզակի միջամտություններ՝

• Աղեստամոքսային տրակտի, լյարդի, լեղուղիների, ենթաստամոքսային գեղձի  էնդոսկոպիկ սոնոգրաֆիա, բարակ ասեղային նմուշառում
• Աղեստամոքսային էպիթելիալ գոյացությունների հեռացում դիսսկցիայի մեթոդով
• Պերօռալ էնդոսկոպիկ միոտոմիա (POEM)՝ կերակրափողի շարժողական խնդիրների դեպքում
• Կերակրափողային մանոմետրիա՝ կերակրափողի շարժողական խնդիրների ախտորոշում (ախալազիա, կերակրափողի սպազմ)
• 24-ժամյա իմպեդանս Pհ-մետրիա